BACOLOD CITY - Nahuli ng mga construction worker ang isang saltwater crocodile o buwayang kayang mamuhay sa tubig-alat sa labas ng bahay sa loob ng isang subdivision.

May habang 6 na talampakan at timbang na 30 kilo ang buwayang nakita ng mga manggagawa bandang ala-1 ng madaling araw s Villa Estefania.

Nagulat umano ang mga manggagawa nang makita ang buwaya sa loob ng subdivision. Nagpasya silang hulihin at ibigay na lamang sa mga awtoridad ang buwaya.

Ayon sa Community Environment and Natural Resources Office, ilegal ang magtago ng saltwater crocodile nang walang papales kaya sino man ang kukuha nito ay kailangan magpakita permit mula sa DENR.