MRT implemented provisional service from North Ave to Shaw Blvd stations at 7:25, after a NB train encountered a door failure at 7am. Provisional service was lifted and normal operations resumed at 7:39 am.

— Jacque Manabat (@jacquemanabat) May 28, 2018

MAYNILA - Nagpatupad ng "provisional service" ang MRT, Lunes ng umaga, matapos masira ang pintuan ng isa nitong northbound na tren sa pagitan ng Ayala at Magallanes station.

Mula alas-7:25 hanggang 7:39 ng umaga, naging limitado ang serbisyo at operasyon ng MRT mula North Avenue hanggang Shaw Boulevard Station.

Wala pang naiuulat kung may mga pinababang pasahero.

Pero ayon sa MRT, natanggal na mula sa riles ang depektibong tren bandang alas-8:00 ng umaga. Sa ngayon, may kabuuang 14 tren ang tumatakbo sa riles.

Nitong nakaraang Martes, nasira rin ang pinto ng isang tren ng MRT sa may Cubao station. May mga pinababang pasahero dahil sa insidenteng ito.