PatrolPH

Higit 124 toneladang basura nakuha sa mga trash traps sa Bataan, Bulacan at Pampanga

ABS-CBN News

Posted at May 26 2021 01:02 AM

Higit 124 toneladang basura nakuha sa mga trash traps sa Bataan, Bulacan at Pampanga 1
Kuha ng DENR Region 3

Mahigit sa 124 toneladang basura ang nakolekta mula sa 125 trash traps na ikinabit ng DENR sa mga critical water bodies ng Bataan, Bulacan at Pampanga.

Ayon kay Paquito Moreno, Jr., executive director ng DENR Region 3, strategically installed ang mga trash traps sa mga ilog at sapa ng mga nasabing probinsya para mabawasan ang dami ng basura na direktang dumadaloy sa mas malaking bahagi ng Manila Bay.

Tiniyak ng DENR sa publiko na ang napapanatiling pagsisikap sa pamamahala ng basura ng paglalagay ng mga basurahan sa mga lokal na daanan ng tubig ay hindi makakahadlang sa paggalaw ng mga isda at iba pang mga species na nabubuhay sa tubig.

Mula nang magsimula Manila Bay rehabilitation program noong Enero 2019, higit 4,300 tonelada ng biodegradable, residual, recyclable, at mapanganib na basura ang nakolekta sa Region 3.

Ang DENR ay patuloy na umaapela sa publiko na maayos na ihiwalay at itapon ang kanilang mga basura upang mabawasan ang pasanin ng polusyon sa plastik at mapangalagaan ang natural na tirahan ng wildlife ng dagat. 

--Ulat ni Gracie Rutao

KAUGNAY NA BALITA

Watch more on iWantTFC
Bisitahin ang Patrol.PH para sa iba pang mga balita.