3 mistulang sinkhole lumitaw sa Taal, Batangas kasunod ng pag-ulan | ABS-CBN
Welcome, Kapamilya! We use cookies to improve your browsing experience. Continuing to use this site means you agree to our use of cookies. Tell me more!
3 mistulang sinkhole lumitaw sa Taal, Batangas kasunod ng pag-ulan
3 mistulang sinkhole lumitaw sa Taal, Batangas kasunod ng pag-ulan
Dennis Datu,
ABS-CBN News
Published May 20, 2022 11:23 AM PHT
|
Updated May 20, 2022 12:15 PM PHT
Ikinabahala ng mga residente ng Taal, Batangas ang mga pagguho ng lupa na lumikha ng 3 malalalim na hukay na mistulang sinkhole.
Ikinabahala ng mga residente ng Taal, Batangas ang mga pagguho ng lupa na lumikha ng 3 malalalim na hukay na mistulang sinkhole.
Ayon sa lokal na pamahalaan, naitala ang mga pagguho ng lupa sa Barangay Apakay.
Ayon sa lokal na pamahalaan, naitala ang mga pagguho ng lupa sa Barangay Apakay.
Isa sa mga ito ay may lalim na 10 metro at lawak na nasa 4 na metro. Halos lamunin nito ang bakod at gate ng bahay ng residenteng si Pepito Balbacal.
Isa sa mga ito ay may lalim na 10 metro at lawak na nasa 4 na metro. Halos lamunin nito ang bakod at gate ng bahay ng residenteng si Pepito Balbacal.
“Natatakot ka, siyempre buhay nakalaan d'yan. Mamaya mahulog ka d'yan, malalim 'yan,” ani Balbacal.
“Natatakot ka, siyempre buhay nakalaan d'yan. Mamaya mahulog ka d'yan, malalim 'yan,” ani Balbacal.
ADVERTISEMENT
Tumawid ang mistulang sinkhole sa kalsada hanggang patungo sa gubat, kung saan mala-bangin din ang naging pagguho ng lupa.
Tumawid ang mistulang sinkhole sa kalsada hanggang patungo sa gubat, kung saan mala-bangin din ang naging pagguho ng lupa.
Nangyari ang mga pagguho ng lupa matapos ang magkakasunod na malakas na pag-ulan nitong mga nakalipas na araw.
Nangyari ang mga pagguho ng lupa matapos ang magkakasunod na malakas na pag-ulan nitong mga nakalipas na araw.
Simula nang pumutok ang Bulkang Taal noong 2020, may mga naitala nang ibang pagguho ng lupa sa Barangay Laguile at Barangay Cawit, ayon sa lokal ng pamahalaan. Iniulat din na nasa 89 bahay ang napinsala ng mga pagguho.
Simula nang pumutok ang Bulkang Taal noong 2020, may mga naitala nang ibang pagguho ng lupa sa Barangay Laguile at Barangay Cawit, ayon sa lokal ng pamahalaan. Iniulat din na nasa 89 bahay ang napinsala ng mga pagguho.
Hiniling na ni Taal Mayor Pong Mercado sa Phivolcs na masusing pag-aralan ang mga naglitawang hukay. Magpapadala ng mga tauhan ang ahensya sa Barangay Apakay ngayong Biyernes ng hapon.
Nauna nang sinabi ng lokal na disaster office at Phivolcs na delikado nang tirahan ang mga lugar na may pagguho ng lupa.
Hiniling na ni Taal Mayor Pong Mercado sa Phivolcs na masusing pag-aralan ang mga naglitawang hukay. Magpapadala ng mga tauhan ang ahensya sa Barangay Apakay ngayong Biyernes ng hapon.
Nauna nang sinabi ng lokal na disaster office at Phivolcs na delikado nang tirahan ang mga lugar na may pagguho ng lupa.
Naglaan ang lokal na pamahalaan ng pondo para sa pagtatayo ng relocation site para sa nasa 100 na residente.
Naglaan ang lokal na pamahalaan ng pondo para sa pagtatayo ng relocation site para sa nasa 100 na residente.
Sa ngayon ay nilagyan na lamang ng harang o babala ang palibot ng mga sinkhole at pinaalalahanan ang mga residente na laging maging handa at obserbahan ang kanilang paligid lalo na kapag may mga nakikita nang mga bitak sa lupa.
Sa ngayon ay nilagyan na lamang ng harang o babala ang palibot ng mga sinkhole at pinaalalahanan ang mga residente na laging maging handa at obserbahan ang kanilang paligid lalo na kapag may mga nakikita nang mga bitak sa lupa.
KAUGNAY NA ULAT
ADVERTISEMENT
ADVERTISEMENT
