Watch more in iWantv or TFC.tv

MAYNILA - Patay ang isang babae matapos pagbabarilin umano ng kaniyang kapitbahay sa Bagong Silang, Caloocan City Miyerkoles ng gabi.

Nagtamo ng mga tama ng bala sa katawan si Gladys Gunave, 23-anyos.

Kuwento ng kinakasama ng biktima na si Jim Perez, dumating umano ang kanilang kapitbahay na si alyas Tony kasama ang 2 lalaki na armado ng baril pasado alas-11 ng gabi.

Pilit umano silang pinapalabas ni Tony ng bahay.

Umalis ang suspek at pagbalik ay may suot na itong bonnet at may hawak na tubo.

"Pinuwersiya niya po pinto. Tapos noong nasira...bigla silang nagpaputok," aniya.

Paniwala ni Perez na siya talaga ang target ng mga suspek.

Posibleng may kinalaman umano ito sa alagang kambing ni Tony.

"Binabato ko kambing nila dahil kinakain mga pananim ko dito," aniya. - ulat ni Dennis Datu, ABS-CBN News