MANILA — Isang masuwerteng mananaya ang naging instant milyonaryo nitong Sabado matapos matamaan ang P55 milyong jackpot prize sa 6/55 Grand Lotto ng Philippine Charity Sweepstakes Office (PCSO).

Solong napanalunan ng nasabing mananaya ang premyong P55,394,255.40 matapos makuha ang winning combination na 04-16-26-24-14-47.

Isinagawa ang draw ng 6/55 Grand Lotto Sabado ng gabi.

Wala namang nanalo sa P33 milyong premyo ng 6/42 Lotto na isinagawa rin nitong Sabado. Ang winning combination ng nasabing palaro ay 26-02-24-35-04-28.

Sa Lunes inaasahang magkakaroon ulit ng panibagong draw sa 6/55 Grand Lotto, habang sa susunod na Martes naman muling magsasagawa ng draw para sa 6/42 Lotto.

Nananatiling nasa 6/58 Ultra Lotto ang pinakamalaking jackpot prize ngayon ng PCSO na halos P100 milyon ang halaga. Ngayong Linggo nakatakda ang panibagong draw ng naturang palaro.

KAUGNAY NA VIDEO:

Watch more News on iWantTFC