Watch more in iWantv or TFC.tv

DAVAO CITY - Binaha ang maraming lugar sa Tugbok at Calinan district sa Davao City nitong Biyernes ng hapon dahil sa malakas na pag-ulan dulot ng Inter-Tropical Convergence Zone (ITCZ).

Isang 9 na taong gulang bata naman ang nawawala matapos madulas sa isang ilog sa Tugbok district, ayon sa ulat ng Davao City Central 911.

Sa video na kuha ni Elmeradel de Castro, makikitang maingat ang mga motorista sa pagdaan sa binahang kalsada sa highway ng Tugbok.

Sa video ni Jessa Rose Lagaac, makikita ang pagragasa ng tubig sa ilog sa Balite, Calinan district.

Umapaw na ito sa ilang bahagi at binaha ang ilang bahay ang taniman sa Purok 1, Barangay Balite.

Nagdulot naman ng perwisyo ang pagbaha sa mga bahay at ari-arian sa San Juan, Barangay Balenga-eng.

Sa ulat pa ng Central 911, may mga na-trap nang pamilya sa lugar at nagsasagawa na sila ng rescue operations.

- Ulat ni Hernel Tocmo

KAUGNAY NA BALITA:

Watch more in iWantv or TFC.tv