PatrolPH

Lalaki sugatan sa sumiklab na sunog sa Intramuros, Maynila

ABS-CBN News

Posted at Apr 27 2021 07:34 PM

MAYNILA - Isang lalaki ang nagtamo ng first-degree burns sa mukha dahil sa sunog sa isang commercial area sa Victoria St. sa Intramuros, Maynila nitong Martes. 

Ayon sa Bureau of Fire Protection (BFP), naitaas sa unang alarma ang sunog bandang 4:41 ng hapon sa isang palapag na bodega sa Maynila na pagmamay-ari raw ni Ruben Tan.

Mabilis lumaki ang apoy sa bodega na may laman na electrical supplies. 

BALIKAN: 

Watch more on iWantTFC

Pagdating daw ng 4:51 p.m., itinaas na agad sa ika-3 alarma ang sunog.

Isang oras matapos nito, na-control na ng mga bombero ang sunog.

Isang pamilya lang ang naapektuhan nito, at wala naman ibang nadamay na kalapit establisymento.

Inaalam pa ng BFP ang halaga ng pinsala sa sunog.

- Joyce Balancio, ABS-CBN News

Bisitahin ang Patrol.PH para sa iba pang mga balita.