2 hinihinalang holdaper ang naaresto dahil sa sumbong ng mga concerned citizen sa Brgy.178,North Caloocan City pic.twitter.com/o2kPQpjMyC

— Dennis Cabral Datu (@Dennis_Datu) April 25, 2018

MAYNILA - Arestado ang 2 lalaki na umano'y sangkot sa serye ng holdapan sa Caloocan City.

Nasamsam sa kanila ang 1 kalibre .38 na baril at 1 sachet ng hinihinalang shabu.

Ayon sa mga pulis, nakatanggap sila ng reklamo ukol sa mga suspek.

Naalarma ang ilang residente dahil sa kahina-hinalang kilos ng 2 habang nakatambay sa Mangga St., Barangay 178.

Nirespondehan ito ng Caloocan Police Community Precinct (PCP) 5 kung saan nagtangka pa umanong bumunot ng baril ang isa sa mga suspek.

Ayon kay Senior Insp. Rengie Deimos, commander ng Caloocan PCP 5, sangkot umano ang 2 lalaki sa mga insidente ng holdapan.

"Allegedly itong 2 ay involved sa mga robbery-holdup ng mga estudyante, mga nagtatrabaho sa lugar na iyon at sa previous shooting incidents," aniya.

Pinabulaanan naman ito ng mga nahuli.

"Hindi po kami holdaper," ayon sa kanila.

Kakasuhan ang isang suspek ng paglabag sa Omnibus Election Code habang mahaharap ang kaniyang kasamahan sa paglabag sa Comprehensive Dangerous Drugs Act of 2002. - ulat ni Dennis Datu, ABS-CBN News