MAYNILA - Hindi lehitimo ang 'Philippine General Hospital News' page sa Facebook, sabi ng University of the Philippines - Philippine General Hospital.
Sa isang FB post nitong Huwebes, inabisuhan ng UP-PGH ang publiko na huwag maniwala sa naturang FB page.
"Ang Philippine General Hospital News ay HINDI authorized o legitimate na Facebook page na galing sa UP-PGH," sabi ng UP-PGH.
"Hindi po nag-eendorso ng kahit anumang produkto ang PGH," dagdag nito.
Naglabas ng screenshot ng nasabing FB page ang UP-PGH.
Screenshot mula sa FB account ng UP-PGH
Isa sa mga post ng Philippine General Hospital News page ay isang art card na may hawig sa disenyong inilalabas ng ABS-CBN News. Naglalaman ito ng quote mula umano sa isang Dr. Neal Barnard. Walang inilabas na ganung quote card ang ABS-CBN News.
FROM THE ARCHIVE
Bisitahin ang
Patrol.PH para sa iba pang mga balita.