DAVAO CITY - Isang lalaking lulan ng sports car ang inaresto ng mga pulis at sundalo matapos hindi huminto sa checkpoint ng Task Force Davao sa Barangay Sirawan, Toril District, Davao City Miyerkoles ng umaga.
Hinabol pa ng mga awtoridad ang lalaki hanggang sa poblacion ng Toril district.
Base sa nakuhang ID, ang 30 taong gulang na lalaki ay assistant manager sa isang kumpanya sa Matina, Davao City.
Nakunan pa umano ito ng hinihinalang marijuana na nakalgay sa plastic.
Hindi rin makausap nang maayos ang lalaki, na tila wala umano sa tamang pag-iisip.
Ayon sa Task Force Davao, galing General Santos City ang lalaki at patungong Davao City.
Ikinulong sa Toril Police Station ang lalaki at inihahanda ang kasong isasampa sa kanya.
- ulat ni Hernel Tocmo
FROM THE ARCHIVES
Bisitahin ang
Patrol.PH para sa iba pang mga balita.