Barangay sa Batangas nasa state of calamity dahil sa sunog

ABS-CBN News

Posted at Apr 07 2019 04:40 PM | Updated as of Apr 07 2019 07:15 PM

Watch more in iWant or TFC.tv

BATANGAS CITY--Isinailalim sa state of calamity ang Barangay Sta. Clara sa lungsod na ito, Linggo, matapos matupok ang nasa 100 bahay sa likod ng Batangas Port.

Sabado ng hapon sumiklab ang sunog sa isang bahay na nagkaroon ng electrical overload, ayon sa ilang residente. Mabilis anilang kumalat ang apoy dahil dikit-dikit ang mga katabing bahay at malakas ang hangin.

Dahil sa deklarasyon ng state of calamity, magagamit ng lokal na gobyerno ang emergency funds nito.

Tinatayang 421 pamilya ang naapektuhan ng sunog, ayon kay Rod Dela Roca, head ng disaster council ng lungsod.

Pansamantalang dinala sa Batangas City Oval ang mga nasunugan, samantalang pinili naman ng ilan na magpalipas ng gabi sa tabi ng lansangan.

-- May ulat ni Dennis Datu, ABS-CBN News

Bisitahin ang Patrol.PH para sa iba pang mga balita.