Dalawang lalaki ang namatay sa magkahiwalay na police operation sa Bulacan at Zambales nitong Huwebes.

Patay sa shoot-out ang isang 41-anyos na kinilalang si Richard Sparling matapos itong makipagpalitan umano ng putok ng baril sa Zambales police.

Nakatunog umano ang lalaki sa buy-bust operation at nakipagputukan sa mga katransaksyong pulis.

Narekober sa crime scene ang sachet ng shabu at ang isang kalibre .9mm na baril na ginamit ng suspek.

Ayon sa Philippine National Police, dati nang nakulong si Sparling sa San Antonio, Zambalos dahil sa iligal na droga.

Napatay rin sa shootout ang isang lalaking kinilalang Jinggoy San Luis Gongon.

Nag-serve umano ng warrant of arrest ang mga pulis kay Gongon dahil sa paglabag nito sa Comprehensive Dangerous Drugs Act.

Imbes na sumuko, pinaputukan umano ng Gongona ang mga pulis.

Narekober sa crime scene ang kalibre .38 na baril na may lamang bala. -ulat ni Gracie Rutao