Patay ang tatlong umano'y miyembro ng New People’s Army (NPA) sa engkwentro sa pagitan ng rebeldeng grupo at militar sa Maragusan, Davao de Oro nitong Linggo.

Kinilala ang mga napatay na sina Ezequil Cortez Daguman, Ruel Baylon, at Quirino Remegio.

Nakunan sila ng mga matataas na kalibre ng baril, IED at iba’t-ibang bala ng armas.

Ayon kay Brig. Gen. Jesus Durante, commander ng 1001st Brigade, humantong sa madugong engkwentro ang nangyari dahil gumagamit ng dahas ang komunistang grupo sa Brgy. Tupas.

Sa datos ng 1001st brigade, sa 105 na kasapi ng NPA sa Davao de Oro, nasa 30 na lang umano ang patuloy pa nilang tinutugis.

• Groups seek whereabouts of NDF peace consultant

Noong Huwebes lamang, nagsagawa ng “victory declaration” program ang 10th Infantry Division ng Philippine Army kung saan iprinesenta ang 78 na mga umano'y dating miyembro ng NPA na sumuko sa mga awtoridad mula August 2021.—Ulat ni Chrislen Bulosan

KAUGNAY NA ULAT

Watch more in iWantv or TFC.tv