BUTUAN CITY – Nasa mahigit 50 kabataan ang nagmartsa sa gitna ng kahabaan ng Montilla Boulevard sa Butuan City Miyerkules ng hapon, sa araw ng ika-48 na anibersaryo ng komunistang New People’s Army (NPA).

Nagmartsa ang mga sumali sa rally na nakatakip ng pulang tela ang mga mukha, at bitbit ang mga placard, habang isinisigaw sa kalsada na kanilang ipinagdiriwang ang anibersaryo ng NPA.

Patuloy nila umanong ipinaglalaban ang adhikain ng NPA na paglingkuran ang mamayan, bilang sila ang tunay na sundalo ng bayan.

Mabilisang ikinabit ng ilan ang mga pulang streamers sa overpass at railings ng Montilla Boulevard.

Naging sanhi ng mabagal na daloy ng trapiko ang lightning rally.

Matapos ipahayag ang umano’y matagumpay na kilusan ng NPA ay agad din silang nagpulasan palayo.