MAYNILA — Nanawagan ang isang mambabatas na lagyan ng sign language ang bawat ulat ukol sa coronavirus disease 2019 (COVID-19), alinsunod sa Republic Act No. 11106 o Filipino Sign Language (FSL) Act.

Sa isang pahayag nitong Linggo, sinabi ni House Deputy Minority leader Carlos Zarate na dapat gamitin ang batas para sa kapakanan ng Filipino deaf community sa gitna ng COVID-19 pandemic.

"It is in this light that we are calling on mass media especially the ones in television to immediately implement the FSL law for the sake of our deaf brothers and sisters. It is in fact long overdue and should have been implemented starting 2018," ani Zarate.

(Nananawagan ako sa media, lalo na sa mga TV network, na gamitin natin ang FSL law para sa ating mga kapatid sa deaf community. Matagal na itong dapat ipinatutupad dahil naisabatas ito noon pang 2018.)

• Duterte signs Filipino Sign Language into law

Iminungkahi niyang maging deaf signed ang bawat pangunahing news program ng bawat TV network.

"I hope that it can be done now because we must also take care and inform the deaf community," ani Zarate.

(Umaasa ako na maipatupad ito para mabigyan ng sapat na impormasyon ang deaf community.)

Sa huling tala nitong Linggo, umabot na sa 380 ang bilang ng COVID-19 cases sa Pilipinas, at 25 dito ang namatay.