Mga tsuper ng jeep todo-diskarte para mapanatili ang 'social distancing'

MAYNILA — Kaniya-kaniyang diskarte ngayon ang ilang mga tsuper ng pampasaherong jeep para makasunod sa direktibang social distancing kontra pagkalat ng coronavirus disease 2019 (COVID-19).

Ilang mga tsuper ng jeep sa Maynila, kanya-kanyang diskarte sa pagpapatupad ng social distancing sa kanilang mga pasahero.

Si Manong, matiyagang nilagyan ng divider na gawa sa kahon ng juice ang upuan ng kanyang jeep para may espasyo ang bawat pasahero.#COVID19 pic.twitter.com/P2HbqLWd11

— Johnson L. Manabat (@JohnsonManabat) March 16, 2020

Sa San Andres, Maynila, nagkusa na ang mga driver sa paglalagay ng mga harang sa mga upuan gamit ang mga kahon ng juice o mga karton.

Ayon kay Frederico Tiozen, isang tsuper, hinimok niya ang mga kasamahang driver na maglagay ng divider o harang sa upuan para sa one seat apart protocol ng Transportation department. 

Dahil dito, ang punuang 20 pasahero, 12 na lamang ang maisasakay. 

Aminado ang mga tsuper na malulugi sila dahil mas kakaunti na ang pasahero. 

Gayunman, mas mabuti na ito kaysa masita ng mga traffic enforcer dahil sa paglabag sa social distancing.

Sa huling tala, 140 na ang bilang ng COVID-19 cases sa Pilipinas, ang 12 na dito ang namatay.