2 lalaking dawit sa pagtutunaw ng barya para gawing alahas timbog

ABS-CBN News

Posted at Mar 14 2019 07:13 PM | Updated as of Mar 15 2019 12:57 AM

Ayon sa NBI ginawang alahas ng mga suspek ang mga barya para ibenta. Screengrab

Arestado sa Real, Quezon ang dalawang lalaki ngayong Huwebes matapos umanong gumawa ng alahas mula sa tinunaw na P10 barya. 

Ikinasa ang entrapment operation sa dalawang suspek nang makita ng Bangko Sentral ng Pilipinas ang video sa isang website. 

Ayon kay National Bureau of Investigation-Quezon chief Dominador Villanueva III, nag-post umano ang isa sa mga suspek noong Enero na nagtutunaw ng isang P10 na barya para gawin itong singsing at iba pang mga alahas. 

Ginagawa raw ito para mabenta sa merkado ang mga ginagawa nilang alahas, dagdag niya. 

"Mataas ang nickel at copper content (ng barya) so magandang gawing singsing," ani Villanueva. 

Watch more in iWant or TFC.tv

Hinuli sa entrapment operation ang gumagawa ng alahas at ang nag-upload ng video. 

Iginiit ng uploader noong una na wala siyang alam sa kaniyang ginagawa pero kinalauna'y umamin din ito sa pagkakamali. 

Itinanggi naman ng gumagawa ng alahas na mga barya mula Pilipinas ang tinutunaw niya. 

Nakapiit ang mga suspek, na sasampahan ng paglabag sa Presidential Decree No. 247, na nagbabawal sa pagsira sa pera ng Pilipinas. 

-- Ulat ni Paulo Ferrer, ABS-CBN News

Bisitahin ang Patrol.PH para sa iba pang mga balita.