MAYNILA - Isa na namang mananaya sa lotto ang nakasungkit ng jackpot prize nitong Linggo, ayon sa Philippine Charity Sweepstakes Office (PCSO).

Sa isang Facebook post, sinabi ng PCSO na napanalunan ng isang mananaya ang P49.5 milyong premyo sa pinakahuling 6/58 Ultra Lotto draw.

Mag-isang natamaan ng mananaya ang winning combination na 13-30-10-22-02-15.

Binili ang winning ticket sa Meycauayan, Bulacan, anang PCSO.

Ngayong Lunes, inaasahang magkakaroon ng draw para naman sa 6/45 Mega Lotto.

Noong Huwebes, napanalunan rin ang P16.3 milyong jackpot prize ng ng 6/42 Grand Lotto.

Noong nakaraang Lunes naman, isang mananaya ang naging milyonaryo matapos mapanalunan ang P12.1 milyong jackpot prize sa 6/45 Mega Lotto.

• P16.3-M jackpot prize ng 6/42 Grand Lotto napanalunan
• Lone bettor wagi sa P12.1-M jackpot sa 6/45 Mega Lotto

- Ulat ni Ian Jay Capati, ABS-CBN News Intern

KAUGNAY NA VIDEO

Watch more News on iWantTFC