Welcome, Kapamilya! We use cookies to improve your browsing experience. Continuing to use this site means you agree to our use of cookies. Tell me more!
Poland, pumayag papasukin ang mga Pinoy na lumilikas mula Ukraine
Poland, pumayag papasukin ang mga Pinoy na lumilikas mula Ukraine
Jerome Fadriquela | TFC News
Published Feb 26, 2022 05:25 PM PHT
MANILA - Pumayag ang Poland na papasukin sa kanilang bansa ang mga Pilipinong lumilikas mula Ukraine kahit walang EU visa, ito ang sabi ni Foreign Affairs Secretary Teodoro Locsin Jr. nitong Huwebes, February 24, 2022.
Warsaw PE's been on high alert; repatriated a few; Poland finally agreed to let ours in sans EU visas; not heard anything from Russia on our request re: its closest border. Most Filipinos in Ukraine are grateful guests and want to stick it out with their warm welcoming neighbors. https://t.co/Jl25lUvBnQ
Sa kanyang tweet ilang oras matapos inanunsyo ng Russia ang tinatawag nitong pagsasagawa ng "military operation" sa Ukraine, itinaas na sa high alert ang Philippine Embassy sa Warsaw, Poland.
Ang Philippine Embassy sa Poland ang pinakamalapit sa western border ng Ukraine.
Ang Polish border sa western Ukraine ang pinakamalapit na "exit point" para sa mga Pilipino na nasa Lviv. (Image from Wikipedia)
Pinasalamatannaman ni Locsin ang Poland sa pagtanggap sa mga Pinoy sa Ukraine. Sa kasalukuyan, anim na Pinoy na ang nakatawid sa Poland. Apat na Pilipino naman ang nag-request ng repatriation pauwi ng Pilipinas.
ADVERTISEMENT
Gagawin naman ng DFA ang kanilang makakaya para makalipad agad ang mga gustong umuwi ng Pilipinas ayon kay DFA Undersecretary for Migrant Workers’ Affairs Sarah Lou Arriola.
Nasa Lviv, Ukraine na ang consular team na tutulong sa mga Filipino evacuees (DFA photo)
Ayon din sa DFA,may consular team na ngayon sa Lviv, Ukraine para matutukan ang paglikas ng mga natitira pang mga Pilipino roon. Nakikipag-ugnayan na sila sa Filipino community at Ukrainian authorities.
Kinumpirma naman ng DFA ngayong araw (February 26, 2022) na nakarating na ang may 40 Pilipino sa western Ukrainian city na Lviv mula sa Ukrainian capital, Kyiv. Marami pang mga Pilipino ang inaasahang darating sa Lviv sa mga susunod na araw.
Dumating na sa Lviv ang 40 Filipino evacuees mula sa Ukrainian capital, Kyiv. (Warsaw PE photo)
Si Philippine Ambassador to Poland Leah Basinang-Ruiz ang nakatutok sa repatiation activities sa Lviv.
Siniguro naman ni Ambassador Ruiz na tutulungan nila ang mga nais tumawid patungong Poland upang makasakay sa kanilang flight pauwi ng Pilipinas.
Warsaw PE photo
“The Philippine Embassy in cooperation with DFA-OUMWA, is committed to assisting the remaining Filipinos in Kyiv and in other parts of Ukraine in order to bring them out of harm's way while there is still time,” pahayag ni Ambassador Basinang-Ruiz.
Ibinalita rin ng DFA na nasa Poland na ngayon si Secretary Locsin para matutukan ang repatriation ng mga Pilipino mula Ukraine.
Warsaw, 26 February 2022 - Dumating na si Secretary of Foreign Affairs Teodoro Locsin Jr. sa Poland. Daglian siyang binigyan ng briefing ng Philppine Embassy sa Warsaw tungkol sa sitwasyon sa paglikas ng mga Pilipino sa Ukraine. (Warsaw PE photo)
Para sa mga nagbabagang mga balitatungkol sa ating mga kababayan sa Ukraine at Russia, tumutok sa TFC News sa TV Patrol.
ABS-CBN is the leading media and entertainment company in the Philippines, offering quality content across TV, radio, digital, and film. Committed to public service and promoting Filipino values, ABS-CBN continues to inspire and connect audiences worldwide.
Our website is made possible by displaying online
advertisements to our visitors. Please consider supporting
us by disabling your ad blocker on our website.
Our website is made possible by displaying online
advertisements to our visitors. Please consider supporting
us by disabling your ad blocker on our website.
