Welcome, Kapamilya! We use cookies to improve your browsing experience. Continuing to use this site means you agree to our use of cookies. Tell me more!
Sekyu timbog sa pagnanakaw ng condom sa convenience store
Sekyu timbog sa pagnanakaw ng condom sa convenience store
ABS-CBN News
Published Feb 24, 2019 03:06 PM PHT
Nasapul sa CCTV ang pagnanakaw ng isang security guard sa isang kahon ng condom sa pinagtatrabahuhan niyang convenience store sa Davao City. Video mula sa Tugbok Police Station
DAVAO CITY — Naaresto noong gabi ng Biyernes ang isang security guard matapos umanong magnakaw ng isang kahon ng condom sa pinagtatrabahuhan niyang convenience store sa Barangay Mintal sa lungosd na ito.
Sa kuha ng CCTV ng convenience store, mapapanood na tila nagmasid muna ang 21 anyos na guwardiya bago biglang kinuha ang kahon ng condom sa counter at itinago sa kaniyang bulsa.
Ipinahuli ng manager ng convenience store ang guwardiya matapos mapunang may nawawalang produkto habang nagi-inventory, ayon kay Chief Inspector Ricky Obenza.
"Ni-review nila sa CCTV at doon nakita na pasimpleng kinuha," ani Obenza.
ADVERTISEMENT
Inamin naman ng guwardiya ang pagkuha sa produkto pero ipinaliwanag din niyang na-curious lang daw siya rito.
Kakasuhan ang guwardiya sa kasong qualified theft.
-- Ulat nina Chrislen Bulosan at Cheche Diabordo, ABS-CBN News
ABS-CBN is the leading media and entertainment company in the Philippines, offering quality content across TV, radio, digital, and film. Committed to public service and promoting Filipino values, ABS-CBN continues to inspire and connect audiences worldwide.
Our website is made possible by displaying online
advertisements to our visitors. Please consider supporting
us by disabling your ad blocker on our website.
Our website is made possible by displaying online
advertisements to our visitors. Please consider supporting
us by disabling your ad blocker on our website.
