200 pamilya nawalan ng tirahan sa sunog sa Davao

ABS-CBN News

Posted at Feb 20 2019 05:47 PM | Updated as of Feb 20 2019 06:07 PM

DAVAO CITY — Nasa 200 na pamilya ang apektado ng sunog na sumiklab Miyerkoles ng hapon sa isang residential area sa Barangay 23-C sa lungsod na ito.

Umabot sa ikaapat na alarma ang sunog, na nagsimula pasado ala-1 ng hapon at idineklarang under control bandang alas-2:25.

Mabilis umanong kumalat sa mga bahay ang apoy dahil gawa ang mga ito sa kahoy at light materials.

Ayon sa residenteng si Jay-Ar Bardinas, mayroon siyang nakitang lalaking nagsindi ng cellophane at tela sabay itinapon ang mga ito sa isa sa mga bahay.

Patuloy na inaalam ng Bureau of Fire Protection ang sanhi ng sunog at halaga ng pinsala.

-- Ulat ni Chrislen Bulosan, ABS-CBN News

Bisitahin ang Patrol.PH para sa iba pang mga balita.