ALAMIN: Mga sintomas, pangontra sa tigdas

ABS-CBN News

Posted at Feb 06 2019 07:00 PM | Updated as of Feb 07 2019 08:36 PM

Watch more in iWant or TFC.tv

Kinumpirma ng mga opisyal ng Department of Health ngayong Miyerkoles na may measles outbreak o pagkalat ng sakit na tigdas sa National Capital Region at Central Luzon.

Narito ang ilan sa mga dapat malaman ukol sa sakit na tigdas:

ANO ANG TIGDAS?

- Ang sanhi ng tigdas ay measles virus
- Ang taong may tigdas ay madaling makahawa

SINTOMAS

- Lagnat, sipon at ubo
- Namumulang mata
- Namumulang mga butlig sa buong katawan

KOMPLIKASYON

- Pagtatae
- Impeksiyon sa loob ng tainga
- Pulmonya
- Impeksiyon sa utak
- Malnutrisyon
- Pagkabulag

PARAAN NG PAG-IWAS SA SAKIT

- Pabakunahan laban sa tigdas ang bata mula sa edad na anim na buwan.
- Bigyan ng Vitamin A capsule ang batang nabakunahan. Sumangguni sa health worker ukol dito.

PABIBIGAY NG LUNAS SA MAYSAKIT NG TIGDAS

- Bigyan ng tamang nutrisyon at tubig bilang pamalit sa nawalang tubig sa katawan dahil sa pag-ubo, pagtatae at pagpapawis.
- Painumin ng gamot ayon sa payo ng doktor.
- Bigyan ng Vitamin A ang maysakit.

Source: Department of Health

Bisitahin ang Patrol.PH para sa iba pang mga balita.