Bangkay ng lalaki, itinapon sa Parañaque

Lyza Aquino, ABS-CBN News

Posted at Feb 04 2018 07:42 AM | Updated as of Feb 04 2018 08:36 AM

MANILA - Isang lalaki ang natagpuang patay sa gilid ng center island sa Baclaran, Parañaque City madaling araw ng Linggo.

Kinilala ang biktima na si Ramil Antonio Legazpi, 42 anyos at taga Navotas batay sa mga ID na natagpuan sa pitaka nito, ayon kay SPO1 Rolly Iglesias ng Paranaque Police homicide division 

Ayon naman kay John Lloyd Mamaril, na unang nakakita sa bangkay, pasado 2:00 a.m. kanina nang makita ng isang parking boy na itinapon umano ng isang bus ang katawan ni Legazpi.

Duguan ang ulo ng biktima at basag ang kanyang bungo ngunit blanko pa sila kung ano ang ikinamatay nito.

Kumpleto naman ang mga cards at maging ang cellphone ng biktima kaya palaisipan rin ang motibo sa likod ng krimen.