BINMALEY, Pangasinan - Pinaghahandaan na ng mga mangingisda sa bayang ito ang maaring maging epekto ng dry spell sa kanilang mga palaisdaan.

Kilala ang bayan ng Binmaley bilang seafood capital of the north dahil sa high-value species na inaalagaan sa mga palaisdaan.

Ngayong Enero, unti-unti nang nararamdaman ang epekto ng dry spell.

Maselan rin ang feeding behavior ng mga isda dahil sa biglang paglamig ng panahon sa gabi at madaling araw, maging ang nararanasang neap tide of ala-al.

Ayon naman sa Bureau of Fisheries and Aquatic Resources, may positibo at negatibong epekto ang dry spell sa aquaculture industry.

Maganda ang mainit na temperatura sa pagpapalaki ng mga species tulad ng tilapia, malaga, sugpo at bangus.

"Mas gusto natin ang mainit na temperatura kaysa malamig," paliwanag ni Dr. Westly Rosario.

Ang ibang mga fishpond operator na malayo sa mga ilog, nakaantabay na ang malalaking water pump para patubigan ang mga palaisdaan.

Pinayuhan rin ang mga fishpond owners at fish growers na tantiyahin ang pagpapakain ng feeds at tiyaking tama ang lebel ng tubig sa mga palaisdaan.