TINGNAN: 17-talampakang pating, inanod sa dalampasigan ng Aurora

ABS-CBN News

Posted at Jan 24 2018 11:52 AM | Updated as of Jan 24 2018 05:55 PM

MANILA - Inanod sa dalampasigan ng Dipaculao, Aurora ang bangkay ng isang 17-talampakang pating ngayong Miyerkoles.

Natagpuan ng mga mangingisda ang dambuhalang lamang-dagat pasado hatinggabi sa baybayin ng Barangay Lobbot, ayon sa rescue worker at volunteer reporter na si Eddie Rebueno, na nagbahagi ng mga larawan nito sa ABS-CBN News.

Posible aniyang napaaway ang pating sa ibang lamang-dagat.

"Wala po siyang sugat, pero para po siyang may bleeding galing loob. Parang 2 ngipin niya po ang natanggal," ani Rebueno sa panayam ng ABS-CBN News website.

"Saka iyung nguso niya po gasgas. Iyung parte niya pong leeg, parang binugbog nang binugbog nung kalaban kaya siya nagkaroon ng bleeding."

Larawan mula kay Eddie Rebueno

Larawan mula kay Eddie Rebueno

Larawan mula kay Eddie Rebueno

Larawan mula kay Eddie Rebueno

Larawan mula kay Eddie Rebueno

Nai-turnover na ang pating sa Department of Agriculture, sabi ni Rebueno.

Bisitahin ang Patrol.PH para sa iba pang mga balita.