MAYNILA - Pangkalahatang naging mapayapa ang naging selebrasyon ng pista ng Sto. Niño sa Maynila, ayon sa Manila Police District.

Matiwasay ang naging pista sa Sto. Niño de Tondo Parish at sa Sto. Niño de Pandacan Parish, ayon sa MPD.

Hindi umano napuno ang mga simbahan bilang pagsunod sa physical distancing dahil sa pandemya.

Watch more in iWantv or TFC.tv

Umabot lamang sa 1800 ang tao sa Sto. Niño de Tondo Parish sa pinakahuling misa alas-otso ng gabi, habang nasa 300 naman ang debotong naitala sa misang idinaos nang 4 ng hapon sa Sto.Niño de Pandacan Parish.

Ayon kay Julius Leonen, chief ng Manila Public Information Office, nagpapasalamat ang lokal na pamahalaan ng Maynila sa mga batang Tondo at batang Pandacan sa pagsunod sa health protocols tulad ng pagsusuot ng facemask, pagsusuot ng faceshield at pagpapanatili ng physical distancing.

Gayunpaman, umabot din sa mahigit 60 ang nahuling lumabag sa ipinatupad na liquor ban.

- Ulat ni Jeff Hernaez, ABS-CBN News

Patuloy ang pagpunta ng mga deboto sa misa para sa pista ng Sto. Niño.

Ipinagbawal muna ang mga nakagawiang aktibidad sa pagdiriwang ng pista bilang pag-iingat sa #COVID19. Mahigpit na ipinapatupad ang health protocol sa mga nagsisimba. | ulat ni @jeffreyhernaez pic.twitter.com/UNzbwQVpIr

— DZMM TeleRadyo (@DZMMTeleRadyo) January 17, 2021