DAVAO CITY - Mas madaling magsumikap kung inspirado. Ito ang pinatunayan ng mag-nobyong Philip Pendang at Cherryfe España nang pareho silang makapasok sa Top 10 ng Criminologist Licensure Examination noong Disyembre.
Si Pendang ang Top 3 habang Top 7 naman si España, sa 14,324 na nakapasa.
Ayon kay Pendang, sabay sila ni España na nag-review, naghirap sa pagaaral at nagtagumpay.
Hindi rin sila naniniwala na hadlang sa pag-aaral ang pagkakaroon ng love life. Payo nila, gawing inspirasyon ang isa’t-isa at ibalanse ang lahat ng bagay.
Para sa kanila, una pa lang ito sa marami pa nilang pangarap na tutuparin habang magkasama.
Bisitahin ang
Patrol.PH para sa iba pang mga balita.
Criminologist, tagalog news, relationship, education, board exam, Criminologist Licensure Exam