Passenger cargo na barko, sumadsad sa Palawan

Lynette Dela Cruz, ABS-CBN News

Posted at Jan 08 2019 07:57 PM

CAGAYANCILLO, Palawan—Isang barko ang sumadsad sa karagatang sakop ng bayang ito Lunes.

Ayon sa Philippine Coast Guard, agad silang nagpadala ng tauhan para kumpirmahin ang report nang matanggap nila ito, ngunit kinailangan nilang bumalik dahil hindi kinaya ang malalaking alon at malakas na hangin.

Sa inisyal na imbestigasyon, isang passenger cargo na may pangalang MV Forever Lucky ang sumadsad sa lugar. Mula ito sa Bataan Port at papunta sana ng General Santos City.

May sakay itong 17 crew members na pawang mga Pilipino.

Hanggang sa oras na ipinost ang artikulong ito, hindi pa nakakalapit ang awtoridad sa barko para iligtas ang mga nasa loob nito.

Naglayag na rin ang rescue vessel na BRP Sindangan patungo sa Cagayancillo lulan ang mga diver para tumulong sa search and rescue operation.

Bisitahin ang Patrol.PH para sa iba pang mga balita.