Welcome, Kapamilya! We use cookies to improve your browsing experience. Continuing to use this site means you agree to our use of cookies. Tell me more!
Paliwanag ng isa sa mga suspek na napulot lamang niya ang kalibre .45 baril na nakumpiska sa kanila sa checkpoint sa General Santos City.
GENERAL SANTOS CITY – Naharang sa checkpoint sa highway ng Barangay Labangal ang dalawang laborer matapos mahulihan ang isa sa kanila ng baril.
Nakunan pa ng CCTV sa checkpoint ang pagdating ng motorsiklong sakay sina Edmark Ribe at Juanito Perez, Huwebes ng gabi.
Sa kuha ng video, makikitang agad na ininspeksiyon ng mga pulis ang motorsiklo. Nang kapkapan na si Ribe sa tiyan, umiwas ito at nagtangkang umalis sa motorsiklo. Pero nakapa na ng pulis ang matigas na bagay sa tiyan nito.
Nang malamang baril na ito, agad na siyang pinalibutan ng iba pang mga pulis. Ang isa, napabunot pa ng baril para lang matiyak na hindi makapalag ang mga suspek. Agad kinumpiska ang baril sa kaniyang baywang at inaresto sila.
ADVERTISEMENT
Paliwanag ni Ribe, napulot lamang niya ang baril.
Iimbestigahan pa ng mga pulis kung nagamit ang baril sa insidente ng pamamaril sa siyudad.
Nahaharap sa kasong illegal possession of firearms si Ribe, habang pinag-aaralan pa ang isasampang kaso laban kay Perez.
ABS-CBN is the leading media and entertainment company in the Philippines, offering quality content across TV, radio, digital, and film. Committed to public service and promoting Filipino values, ABS-CBN continues to inspire and connect audiences worldwide.
Our website is made possible by displaying online
advertisements to our visitors. Please consider supporting
us by disabling your ad blocker on our website.
Our website is made possible by displaying online
advertisements to our visitors. Please consider supporting
us by disabling your ad blocker on our website.
