Watch more in iWantv or TFC.tv

MAYNILA - Kamakailan ay may mga napapaulat na insidente ng kabataang nagkakaroon ng samu't saring komplikasyon dahil sa paggamit ng vape.

Pero babala ng isang pediatrician, maaari itong magdulot ng adiksiyon, lalo na kung maaga itong sisimulan.

Paliwanag ni Dra. Rizalina Raquel Gonzales, ang paglanghap ng vape ay nakakaapekto sa pre-frontal cortex ng utak, na namamahala sa pagdedesisyon ng isang tao.

"Iyong kanilang judgement, emotions, behavior mas gusto nilang pleasurable. Ang problema, ito rin 'yong part ng brain na nag-e-encourage sa inyo to do drugs," paliwanag ng doktor.

"Pag ginamit nang ginamit 'yung vape, nagkakaroon ng dependence, hinahanap," dagdag ng doktora.

Hindi pa kasi aniya fully-developed ang utak hanggang sa maging 25 anyos ang isang tao.

Bukod dito, may samu't saring sakit na maaaring idulot ang vaping gaya ng allergic rhinitis, pagdudugo ng ilong, maging ang pagkasira ng baga.

Payo ni Gonzales, huwag nang mag-vape at kung maaari, ilapit ang sarili sa malinis na hangin.