Watch more in iWantv or TFC.tv

Pinrito o gisadong ulam ang kadalasang inihahanda kapag nagmamadaling umalis ng bahay.

Sa mga ganitong sitwasyon ay maaari mong subukang magluto ng ginisang upo with hibe o tuyong hipon na bukod sa magaan sa bulsa ay masustansiya at madali pang lutuin.

Bumisita sa “Umagang Kay Ganda” nitong Martes ang guest kusinero na si Markus Patimo para ibahagi kung paano magluto ng ginisang upo with hibe.

Narito ang mga sangkap:

• Mantika
• Sibuyas
• Bawang
• Kamatis
• Patis
• Asin
• Paminta
• Hibe
• Upo

Paraan ng pagluluto:

Sa mainit na mantika, igisa ang bawang, sibuyas, at kamatis.

Lagyan ng patis at lutuin nang isa hanggang dalawang minuto.

Ilagay ang upo at hintaying maluto.

Ilagay ang hibe at haluin.

Lagyan ng tubig at pakuluin.

Timplahan ng asin at paminta depende sa panlasa at lutuin nang 5 hanggang 6 minuto.

Maaari mo nang ihanda ang ginisang upo with hibe.