RECIPE: Kulawo ng San Pablo, Laguna

ABS-CBN News

Posted at Jul 17 2019 11:36 AM

Watch more in iWant or TFC.tv

MAYNILA — Patok sa mga taga-San Pablo, Laguna ang Kulawo, isang putahe na gawa sa puso ng saging at gata. 

Bumisita sa "Umagang Kay Ganda" ngayong Miyerkoles ang guest kusinera na si Theresa Empalmado para ibahagi kung paano magluto ng kulawo. 

Narito ang mga sangkap: 
• Puso ng saging 
• Pinausukang gata
• Pulang sibuyas
• Suka
• Inihaw na liempo bilang toppings
• Asin
• Paminta

Paraan ng pagluluto: 

Sunugin ang kinayod na niyog bago pigain.

Balatan ang puso ng saging hanggang makuha ang pinakaubod bago gayatin.

Lamasin sa asin ang ginayat na puso ng saging hanggang mawala ang dagta. Hugasan at pigaing mabuti pagkatapos.

Pakuluan ang puso ng saging kasabay ng gata.

Haluing mabuti para hindi mamuo ang gata.

Ihalo ang ginayat na sibuyas, 3 kutsarang suka, asin, at paminta.

Maaari nang ihain ang kulawo.

Bisitahin ang Patrol.PH para sa iba pang mga balita.