Watch more in iWantv or TFC.tv

Nais mo bang magluto ng simple at masustansiyang pagkain ngayong tag-ulan?

Sa malamig at maulan na panahon ay masarap humigop ng malasa at malinamnam na sabaw at tahong.

Bumisita sa "Umagang Kay Ganda" ang guest kusinera na si Jean Almiral upang ibahagi kung paano lutuin ang putaheng suam na tahong.

Ihanda lang ang mga sumusunod na sangkap:

• 1 kilo ng tahong
• 1 piraso ng sibuyas
• 2 tasa ng papaya
• 2 kutsara ng luya
• 2 kutsara ng patis
• 4 tasa ng tubig
• 2 kutsara ng mantika
• Dahon ng sili

Narito ang paraan ng pagluluto:

Ibabad ang tahong sa tubig na may asin at tanggalin ang tubig sa pamamagtan ng drain.

Igisa ang bawang, luya, at sibuyas.

Ilagay ang patis at haluin ito.

Ilagay ang tahong at pakuluan ito hanggang sa bumukas ang shell.

Ihalo ang dahon at sili bago ihain.