ANGELES CITY - Kikay na kikay ang jeep na minamaneho ni Philip Nadres dito sa lungsod matapos niya itong punuuin ng iba't ibang palamuti na may disenyong Hello Kitty.

Mula sa mga upuan, mga kurtina, manibela, kisame, at hanggang sa mags ng gulong ng jeep, puro mukha ni Hello Kitty ang makikita.

Para tumerno sa disenyo, pinapinturahan na rin ni Nadres ng kulay pink maging ang sahig ng kanyang sasakyan.

Ayon kay Nadres, ang kanyang asawa ang nakaisip na bigyan ng maaliwalas na make-over ang dating nabubulok na niyang jeep.

Dagdag ng tsuper, nahumaling na rin ang kaninalang pamilya kay Hello Kitty dahil pati ang kanilang motorsiklo at iba pang gamit sa bahay ay pinuno na rin ng mga gamit na may disenyo nito.