Nais mo bang kumain ng Bicol Express ngayong Semana Santa kahit iniiwasan ang karne bilang bahagi ng pag-aayuno?

Maaari mong palitan ang karneng baboy ng tinapa para gawin itong Tinapa Bicol Express, na magbibigay ng maalat at malinamnam na twist sa putaheng ito.

Bumisita sa "Umagang Kay Ganda" ang guest kusinero na si Bro. Jerome Espeña ng University of Santo Tomas Central Seminary para ibahagi kung paano lutuin ang Tinapa Bicol Express.

Narito ang mga sangkap:

• Sili (tanggalin ang buto)
• Tinapa
• Kakang gata
• Gata (pangalawang piga)
• Sibuyas
• Bawang
• Kamatis
• Asin
• Mantika
• Bagoong alamang

Paraan ng pagluluto:

Igisa ang sibuyas, bawang at kamatis bago ilagay ang hinimay na tinapa.

Isunod na ilagay ang gata bago ang ang hiniwang sili.

Kapag kaunti na ang sabaw, ilagay ang kakang gata at bagoong alamang.

Hayaang kumulo na walang takip ang kawali.

Maaari mo nang ihain ang Tinapa Bicol Express.