RECIPE: Beef kaldereta with gata and peanut butter

ABS-CBN News

Posted at Mar 05 2020 12:38 PM

Watch more News on iWantTFC

MAYNILA — Isa sa itinuturing na "all-time" favorite Pinoy dish ang kaldereta. 

Pero para bigyan ito ng mas makremang lasa, maaari pa itong lagyan ng gata at peanut butter. 

Bumisita sa "Umagang Kay Ganda" ngayong Huwebes ang Guest Kusinero na si Rolando Dela Cruz para ibahagi kung paano magluto ng kaldereta na may gata at peanut butter. 

Narito ang mga sangkap: 

  • 1/4 kilong baka
  • 1 pirasong bawang
  • 1 pirasong sibuyas
  • 1 pirasong patatas
  • 1 pirasong siling pula/bell pepper
  • 1 pirasong carrots
  • 2 kutsarang liver spread
  • 3 kutsarang peanut butter
  • 2 kutsaritang asin
  • 1/2 kutsaritang pamintang durog
  • 1/2 tasang gata
  • 1/2 tasang tomato sauce
  • 1 pirasong siling labuyo
  • 3 kutsaritang cheese

Paraan ng pagluluto:

Pakuluan nang 10 hanggang 15 minuto ang baka. Itabi ang pinagkuluan.

Igisa ang karne sa bawang at sibuyas hanggang maging kulay brown ito.

Ilagay ang peanut butter at pinagkuluan ng baka. Takpan at hayaang kumulo sa loob nang 15 hanggang 30 minuto hanggang sa lumambot ang karne.

Ilagay ang tomato sauce, gata, sili, patatas, at carrots. Takpan at hayaang maluto ang mga gulay.

Timplahan ng asin, paminta, at tinunaw na liver spread. 

Maaari nang ihain ang beef kaldereta with gata and peanut butter