Watch more in iWantv or TFC.tv

Ang putaheng "paklay" ay nagmula sa Visayas at sahog nito ang iba't ibang parte ng laman loob ng baka gaya ng atay at bituka.

Bumisita sa "Umagang Kay Ganda" ngayong Miyerkoles ang guest kusinero na si Brian Flores para ibahagi kung paano magluto ng paklay dish.

Narito ang mga sangkap:

• ½ kilong tuwalya ng baka
• ¾ kilong atay ng baka
• 1/3 bituka ng baka
• 2 tasang labong (hiwain nang pahaba)
• ½ tasang luya, (hiwain nang pahaba)
• 3 butil ng bawang (tinadtad)
• 2 kutsaritang toyo
• 1 sibuyas
• 1 tasang tubig o broth ng karne
• ½ kutsarita ng atsuete powder
• 5 kalamansi
• 80 gramong pinya
• Asin
• Pamintang durog
• 2 siling haba
• Mantika
• Black beans
• Carrots (optional)
• 1 pc red bell pepper (optional)

Paraan ng pagluluto:

Pakuluan ang tuwalya, atay at bituka ng baka sa loob ng 30 minuto. Hanguin at palamigin.

Sa isang kawali, igisa ang bawang, luya at sibuyas.

Ilagay ang pinakuluang lamang loob ng baka (tuwalya, atay at bituka), at isangkutsa.

Timplahan ng toyo, paminta, asin at atsuete powder.

Ihalo ang tubig o broth ng pinagpakuluan ng lamang loob ng karne.

Isunod ang labong, carrots, bell peppers, at siling haba. Pakuluan sa loob ng 5 minuto.

Ilagay ang pinya at kalamansi, timplahan ng naayon sa panlasa. Pakuluan sa loob ng 1 minuto.

Maaari nang ihain ang paklay.