PatrolPH

‘Mapait na ampalaya, mayaman sa sustansiya’

ABS-CBN News

Posted at Feb 09 2020 04:24 PM

Watch more on iWantTFC

MAYNILA — Maraming tao ang ayaw sa ampalaya dahil sa mapait nitong lasa pero maraming benepisyo sa kalusugan ng tao ang pagkain nito, ayon sa isang eksperto.

Mayaman sa mga bitamin at mineral ang ampalaya na nakatutulong para mapalakas ang katawan at makaiwas sa sakit, sabi sa “Salamat Dok” ni Kareena Ynez Abungin, nutrition officer mula sa National Nutrition Council.

Ang isang tasa ng ampalaya ay katumbas ng 14 milliliters ng Vitamin C na nagsisilbing panlaban sa sakin, ayon kay Abungin.

Mayroon din daw collagen ang ampalaya para sa mas malusog na balat at mga buto.

Taglay din umano ng bunga ang Vitamin C, calcium, iron, folate at phosphorus.

Maaari ring makakuha sa ampalaya ng dietary fiber na mainam para sa mga hirap sa pagdumi, at pagkontrol ng blood sugar at kolesterol, ani Abungin.

Sakaling hindi talaga gusto ang lasa, may mga paraan naman para mabawasan ang pagkapait ng ampalaya, ayon kay Abungin.

Puwede raw budburan ng asin ang bunga o pakuluan ito saka lagyan ng isang kutsaritang asin.

Bisitahin ang Patrol.PH para sa iba pang mga balita.