PatrolPH

ALAMIN: Mga gamit sa bahay na 'pampasuwerte' sa Chinese New Year

ABS-CBN News

Posted at Jan 30 2019 12:36 PM | Updated as of Jan 30 2019 12:57 PM

Watch more on iWantTFC

Para suwertehin sa pagpasok ng Chinese New Year, may mga dapat ilagay sa iba't-ibang bahagi ng bahay, ayon sa isang feng shui expert.

Ayon kay Master Hanz Cua, dapat ihanda ang ilang pangkaraniwang gamit sa bahay tulad ng asin, kampana, tubig, at bawang. 

Epektibo daw bilang pantaboy sa negatibong enerhiya sa tahanan ang pagkakaroon at pagpapatunog ng kampana. Aniya, ilagay ito sa mga kuwartong hindi napupuntahan. 

Ayon kay Cua, dapat maglagay rin ng bawang sa southeast sector ng bahay. Dapat din daw ito palitan kada ilang araw para maging epektibo ang "suwerte" nito. 

Paliwanag niya, sa southeast sector matatagpuan ang galit, inggitan, at iba pang negatibong enerhiya. 

Dapat ding maglagay ng bowl o baso ng tubig sa kaparehang bahagi ng tahanan para makaiwas sa theft at robbery star. 

Mainam daw ang asin bilang pampawala ng sickness star, ayon kay Cua. Dapat daw ito ilagay sa northeast section ng tahanan. 

Para naman daw makapagpahumaling ng magandang balita at masaganang buhay, dapat maglagay ng radyo sa northwest na bahagi ng bahay. 

Sa huli, ipinaalala ni Cua na nasa kamay pa rin ng mga indibidwal ang kanilang tagumpay. 

Bisitahin ang Patrol.PH para sa iba pang mga balita.