Watch more in iWantv or TFC.tv

MAYNILA — Isa sa mga itinuturing na masuwerteng ihain tuwing Chinese New Year ay mga putaheng may isda.

Kaya naman ibinahagi ni Renan Roque sa programang "Umagang Kay Ganda" ngayong Biyernes, bisperas ng Chinese New Year, kung paano lutuin ang manamis-namis at masustansiyang fish escabeche.

• Ano ang mga patok na putahe tuwing Lunar New Year?

Ihanda ang mga sumusunod na sangkap:

• 1 buong lapu-lapu
• 1 buong carrot (medium size)
• 1 bell pepper
• 1/2 tasang luya
• 1/2 tasang ketchup
• 3 kutsarang suka
• 1 1/2 kutsarang toyo
• 4 kutsarang asukal
• 1 kutsarang cassava flour
• Tubig
• Mantika

Paraan ng pagluluto

Linising mabuti ang isda at timplahan ng asin bago iprito nang buo. Isantabi.

Para sa escabeche sauce:
Sa isang kawali, igisa ang luya, bell pepper, at carrot bago lagyan ng tubig at hayaang kumulo.

Pagkulo, sunod na ilagay ang ½ baso ng ketchup at 3 kutsara ng suka.

Timplahan ng 1 ½ kutsara ng toyo at 4 na kutsara ng asukal.

Lagyan ng 1 kutsara ng cassava flour para lumapot ang sarsa.

Maaari nang ihain ang fish escabeche.