PatrolPH

RECIPE: Ginataang tambakol

ABS-CBN News

Posted at Jan 23 2019 12:33 PM

Watch more on iWantTFC

Nais mo bang kumain ng ginataang isda ngayong araw? 

Maaari mong subukang kumain ng ginataang tambakol o mas kilala bilang yellowfin tuna, isang Pinoy dish na malasa na at magaan pa sa bulsa. 

Bumisita sa "Umagang Kay Ganda" nitong Miyerkoles ang guest kusinera na si Annaliza Villamor para ibahagi kung paano lutuin ang ginataang tambakol. 

Narito ang mga sangkap: 

  • Tambakol o yellowfin tuna
  • Gata
  • Talong
  • Bawang
  • Sibuyas
  • Luya
  • Patis
  • Suka
  • Siling haba
  • Asukal
  • Mantika
  • Pechay
  • Asin
  • Paminta

Paraan ng pagluluto: 

Iprito ang talong at tambakol at itabi.

Pagkaprito ng isda, palamigin muna bago ibalot sa pechay.

Sa isang kawali, igisa ang bawang, sibuyas at luya bago ibuhos ang gata at suka at hayaang kumulo.

Pag kumulo na, ilagay ang binalot na tambakol, pritong talong, siling haba, patis at paminta.

Hayaang kumulo ang ginataang tambakol hanggang maging isa ang lasa ng mga sangkap.

Maaari nang ihain ang ginataang tambakol. 

Bisitahin ang Patrol.PH para sa iba pang mga balita.