MAYNILA -- Isang bagong bihis na Tanggol (Coco Martin) ang napanood sa seryeng "FPJ's Batang Quiapo" nitong Huwebes ng gabi.

Sa episode 401 ng serye, makikitang iba na ang pananamit ng bidang karakter na si Tanggol para sa panimula ng kanyang bagong buhay bilang business partner ni Divina (Rosanna Roces).

Taliwas sa kanyang itim na leather jacket, mas matingkad na kulay ng pantaas ang suot ni Tanggol. Maging ang kanyang mga kasama sa grupo ay nagbago rin ang pananamit.

Maliban sa bagong bihis na Tanggol, patuloy naman ang pagpapahanap ni Olga (Irma Adlawan) kay Marites (Cherry Pie Picache) para maipaghiganti ang anak na si Bubbles (Ivana Alawi) at mapigilan ang pagkikita nila ni Ramon (Christopher de Leon).

Nitong Huwbest ng gabi, nakapagtala ang "FPJ's Batang Quiapo" ng 621,923 concurrent viewers o 'yung sabay-sabay na nanonood sa Kapamilya Online Live.

Mapapanood ang "Batang Quiapo" sa Kapamilya Channel, Kapamilya Online Live, Cinemo, A2Z,  TV5,  iWantTFC at TFC.

Mga kaugnay na video: