MAYNILA --Isa ang singer na si Angeline Quinto sa mga magbabalik-serye bilang si Sarah Angeles sa pinakabagong Dreamscape Entertainment project na "What's Wrong With Secretary Kim". 

Ayon sa Kapamilya singer, labis niyang na-miss ang gumawa ng serye. Huling napanood si Quinto noong 2012 sa "Kahit Konting Pagtingin" ng ABS-CBN kung saan una niyang naka-trabaho si Paulo Avelino. 

"Actually, medyo matagal-tagal na nga rin po 'yung huling ginawa kong teleserye and si Paolo rin ang kasama ko doon, siguro mga 2011 or 2012. Sobrang na mis ko rin and at the same time, noong nalaman ko from Dreamscape na mapapasama ako dito sa What's Wrong With Secretary Kim. pareho kami ni Ms Janice e, akala ko ako si Secretary Kim," masayang sambit ng singer sa naganap na media conference nitong Sabado. 

Kuwento pa ng singer, malapit sa puso niya ang karakter na gagampanan sa proyekto na mapapanood ngayong March 18. 

"Siyempre tinanggap ko agad ang role and hindi naman ako masyadong nag-adjust as si Sarah Angeles kasi si Sarah Angeles, parang si Angeline na masiyahin, talagang kalog at siya 'yung nagbibigay kasiyahan sa mga ka-trabaho niya kapag nai-istress sila." 

Mapapanood ang "What's Wrong With Secretary Kim" simula March 18 starring Kim Chiu at Paulo Avelino sa Viu.