MAYNILA -- Extra special ang naging selebrasyon ng Valentine's Day ng "It's Showtime" host na si Vice Ganda sa naging regalo sa kaniya ng "Isip Bata" kid star na si Kulot. 

Sa ibinahaging Instagram story ng Kapamilya host, tila naantig ang maraming netizens sa isang sulat na ibinigay ni Kulot sa kaniyang Meme Vice.

"Thank you po meme sa pagpapasikat sa akin at thank you din po sa pagpapadala sa akin dito sa Showtime," bahagi ng liham ni Kulot. 

Dito, humingi rin ng sorry si Kulot sa kaniyang Meme Vice para sa minsa'y hindi niya paglapit dito. "Sorry po pala kung minsan hindi po kita nayayakap kase po nahihiya ako pero mahala po kita Meme Vice," ani Kulot. 

Bukod sa gabay ng kaniyang Meme Vice sa Kapamilya noontime show, pinasalamatan rin ng child star ang host para sa personal na tulong nito sa kaniya at sa kaniyang pamilya. 

"Thank you din po sa pagpapatira sa inyo pong condo salamat po meme, Love you po."

Si Kulot ay isa sa mga batang-child stars na unang nakilala ng madalang pipol sa "Isip Bata" segment ng "It's Showtime" kung saan bahagi rin sila

Argus, Imogen, Jaze, at Lucas.

Sa ngayon bahagi na si Kulot ng Kapamilya noontime show at araw-araw rin nakikisaya sa "Videokid" ng "It's Showtime."