Mula sa maingay na mundo ng telebisyon, tahimik nang namumuhay ngayon si Eagle Riggs sa kanyang farm sa Barangay Cigaras sa Magdalena, Laguna.

Maraming tanim na puno ng lanzones, rambutan, at iba pang halaman sa kanyang Eagle’s nest!

Siya mismo ang nag-disensyo ng kanyang tinirihang bahay kubo. Isang lumang painting dito ang malalim ang naging katungkulan sa pamumuhay ng kanilang pamilya noon, at nakahanap ng bagong kahulugan sa buhay niya ngayon.

Kwento ni Eagle: " Sa lola ko pa ito. Pagka ito nawala sa pagkakahang… Ibig sabihin, wala kaming pera. Kasi yung ano ito, sinasanla. Tapos pag bumalik na ulit, sabihin ko, ay, may pera na ulit kami, kasi naibalik na. Tapos lagi ko siyang tinitignan. May nagtatanim, may bahay kubo. Lagi ko siyang pinagmamasdan nung maliit ako. Not knowing na sa ganyan pala akong mauwi."

Sa bawat pagsubok sa hinarap sa buhay ni Eagle, nagpapakita siya ng katangian na tulad ng isang agila.

Sabi nya, "ang mga agila, lumilipad yan pag may mga storm sa buhay, hindi siya lumilipad sa storm, nasa taas siya. So sabi ko, parang ang ganda no, pag kami may mga, meron tayong sigalot at gulo sa buhay, wag kang lumipad sa storm, go above it, mas taasan mo ang tingin mo, mas lawakan mo yung pananaw mo, at saka go over it, at saka lagpasan mo, kasi storm lang yan, di ba, mawawala't mawawala yan."

Ulat ni Jervis Manahan para sa programang Tao Po. (October 13, 2024)

Mapapanood ang mga episode ng Tao Po dito.