MANILA -- Musika. Ito ang bumuhay sa pamilya ng magkapatid na Aljur at Vin Abrenica.

Sa "Magandang Buhay" nitong Lunes, ipinakilala ni Aljur ang ama na si Jojo Abrenica na isang musikero.

"Yun yung bumuhay sa aming magkakapatid, sa pamilya namin," ani Aljur.

Ayon kay Aljur, ang ama niya ang kanyang huwaran pagdating sa pagiging ama sa anak nila ni Kylie Padilla na si Alas Joaquin.

Sa ngayon ay may-ari ng isang bar ang ama ni Aljur kung saan siya umaawit.

Para sa mga manonood ng "Magandang Buhay" ay inawit naman ni Aljur at ama nito ang isang orihinal na komposisyon.