MAYNILA -- Matipid sa naging pagsagot si Maja Salvador sa usapin ng pagkakadawit ng kanyang pangalan sa naging relasyon noon ni Carlo Aquino at Angelica Panganiban.

Kasunod ito nang pinangalanan siya ni Panganiban sa naging panayam nito sa "Gandang Gabi Vice."

Watch more in iWantv or TFC.tv

"Basta wala kaming bad blood ni Papa [Carlo Aquino]. Okay kami," pahayag ni Maja sa media launch ng pelikulang "To Love Somebuddy" kasama si Zanjoe Marudo.

Ayon pa kay Maja, nanatili pa rin ang magandang pagkakaibigan nila ni Carlo na bida sa patok na patok na pelikulang "Exes Baggage" kasama si Angelica.

View this post on Instagram

A post shared by Jose_Liwanag (@jose_liwanag) on Sep 21, 2018 at 7:54am PDT

"Bago nga ipalabas 'yun ('Exes Baggage') basta nagka-message pa kami," aniya.

Nang tanungin naman kung mayroon siyang naging sama ng loob kay Angelica sa mga sinabi nito sa "GGV,' ito lang ang naging sagot ng aktres. "She explained everything, okay na 'yun," nakangiting tugon ni Maja sa press.

View this post on Instagram

A post shared by MAJA (@iammajasalvador) on Sep 26, 2018 at 3:20am PDT

Hindi naman itinanggi ni Maja na nagkaroon siya ngayon ng mga bashers, pero para sa aktres deadma na siya dito.

"Naku, hindi umeepekto sa 'kin 'yan at hindi naman sila nage-exist sa mundo ko. Nasa free country tayo, pwede nilang sabihin kung ano ang gusto nila. At the end of the day, ang importante kung paano mo kilalanin ang sarili mo," pahayag pa ni Maja.

Sa darating na Oktubre 31, mapapanood na sa mga sinehan ang "To Love Some Buddy" sa direksyon ni Jason Paul Laxamana.