Watch more in iWantv or TFC.tv

MANILA --- Isang mariing iling ang sagot ni Diego Loyzaga sa tanong kung pumapayag na ba siyang magpaligaw ang kanyang kapatid na si Angelina Cruz.

Si Angelina ay panganay na anak ni Sunshine Cruz sa dating asawa na si Cesar Montano, samantalang si Diego ay anak ng huli sa aktres na si Teresa Loyzaga.

Sa "Magandang Buhay" nitong Lunes, ibinahagi rin ni Diego ang naging payo niya sa kapatid na babae na ngayon ay 17 anyos na.

"Sinabi ko na sa kanya, 'Butching, if I was in your situation, the way that you are being guided right now sa edad mo, sa industriya, focus ka muna sa work. Strike while the iron is hot,'" ani Diego.

"With her situation given right now, nandiyan na. Sabi ko 'Butching, focus ka muna sa work mo. You are doing so good.' She got her music. Who knows kung baka mag-acting na rin siya," dagdag ni Diego.

View this post on Instagram

A post shared by Diego (@diegoloyzaga) on Aug 2, 2018 at 5:15am PDT

Giit ni Diego malapit at mahal na mahal niya ang kanyang mga kapatid sa ama at sa ina.

"Of course, they are all half sisters and brothers but I don't see that as a half, walang half. They're blood. They are your sisters and your brothers," ani Diego na inilarawan ang sarili bilang kapatid.

"Yung sa kuya ko, it's always been para siyang halos father figure ko na. Pretty much lahat ng gusto niya, lahat ng hilig niya, 'yung kickboxing, namana ko sa kanya. Everything that he likes, I like eventually. Sa mga bata kong kapatid kay Tita Shine, iba naman. Completely different, doon ko na feel na ako ang kuya. I take care of them, watch over them, I protect but I also attack," ani Diego.

Sa ngayon ay abala naman si Diego sa pinakabagong serye ng ABS-CBN na "Los Bastardos" na magsisimula ngayong Lunes, Oktubre 15, pagkatapos ng "Kadenang Ginto."