MAYNILA -- Sumalang sa "Tanong Mo, Mukha Mo" sa "Gandang Gabi Vice" ang mga bida ng pelikulang "First Love" na sina Aga Muhlach at Bea Alonzo.

Kabilang sa mga ipinakitang larawan ang mga taong naging malapit sa aktres, kabilang na si Zanjoe Marudo.

Watch more in iWantv or TFC.tv

"Masaya ka ba ngayon?" tanong ni Bea sa larawan ng ex.

Dito, inamin ni Bea na nanatili silang mabuting magkaibigan ni Zanjoe na kanyang nakarelasyon ng halos limang taon.

"Kasi importante sa 'kin 'yung happiness niya. Kasi magkaibigan kami ni Z [Zanjoe]. Hanggang ngayon we're very good friends," aniya.

"I still care about him," paliwanag pa ng aktres.

Bukod sa dating nobyo, bahagi din ng mga larawan ang kasalukuyan na inspirasyon ni Bea na si Gerald Anderson.

Matatandaan na napabalita noon ang paghihiwalay ng dalawa na kalaunan ay nagkabalikan din.

View this post on Instagram

A post shared by bea alonzo (@beaalonzo) on Sep 30, 2018 at 7:41am PDT

"Worth it ba na nagkaroon tayo ng second chance?" nakangiting tanong ng aktres sa larawan ni Gerald.

Sa darating na October 17, mapapanood ang "First Love" sa direksyon ni Paul Soriano.